საჯარო და კერძო სკოლებში დღეიდან სასწავლო პროცესი განახლდა. მშობლებს კვლავ შეუძლიათ არჩევანი გააკეთონ სწავლების ფორმასთან დაკავშირებით და გადაწყვიტონ, ბავშვი საკლასო ოთახში დაესწროს გაკვეთილებს, თუ ონლაინფორმატში.
რთული ეპიდვითარებიდან გამომდინარე, განათლების სამინისტრო მზად არის, კორონავირუსის გამოვლენის შემთხვევაში წერტილოვანი შეზღუდვები აამოქმედოს. განათლების სამინისტროს ინფორმაციით, ამ ეტაპზე, პედაგოგთა და სკოლების ადმინისტრაციის წარმომადგენელთა 73% ვაქცინირებულია.
საქართველოს განათლებისა და მეცნიერების მინისტრის პირველი მოადგილის თამარ მახარაშვილის თქმით, ყველა სკოლა არის უსაფრთხო და აღჭურვილია ყველა იმ მოწყობილობით, რომელიც სჭირდება სკოლას კოვიდრეგულაციების დაცვისთვის.
