რაც შეეხება გამოჯანმრთელებულებს, მათი რიცხვი 3-ით გაიზარდა და 873-ს შეადგენს.
თბილისის ინფექციური საავადმყოფოს სამედიცინო დირექტორის, მარინა ეზუგბაიას განმარტებით, 4 ახალი შემთხვევიდან 3 შემოტანილია, ერთის ინფიცირების წყაროს მოძიება გრძელდება. მისივე თქმით, მათგან 2 სატვირთო ავტომანქანის მძღოლია, ერთი საკარანტინე სივრცეში დადასტურებული შემთხვევაა.
საქართველოში კორონავირუსის შედეგად, 15 პაციენტი გარდაიცვალა.
კარანტინის რეჟიმში 5640 მოქალაქე იმყოფება, სტაციონარში მეთვალყურეობის ქვეშ კი – 244.
უცხოეთიდან სამკურნალოდ გადმოყვანილია საქართველოს 31 მოქალაქე.
მონიკა დავლიანიძე
