სკოლებსა და საბავშვო ბაღებში სწავლა შემდეგი ორშაბათიდან, 17 იანვრიდან განახლდება. საქართველოს განათლების სამინისტროს ინფორმაციით, კორონავირუსული პანდემიიდან გამომდინარე, ახალ სემესტრშიც დაშვებულია დისტანციურად სწავლის შესაძლებლობა.
ონლაინ სწავლებაზე განაცხადის შევსება/რეგისტრაციის გაუქმება შესაძლებელი იქნება ყოველ ხუთშაბათს 00:00 – 18:00 საათის შუალედში.
სარეგისტრაციო ველი დღეიდან უკვე გახსნილია.
სამინისტროს განცხადებით: „სწავლის დისტანციური ფორმატის არჩევის შესაძლებლობით სარგებლობა შეეძლება საქართველოს ყველა საჯარო სკოლის მოსწავლეს. გარდა ამისა, ის მასწავლებლები, რომლებსაც მოუწევთ დისტანციური გაკვეთილების დამატებით ჩატარება, შესაბამის დანამატს კვლავაც მიიღებენ.
სასწავლო პროცესი 17 იანვარს მთელი ქვეყნის მასშტაბით ჯანდაცვის სამინისტროს მიერ დადგენილი შესაბამისი რეგულაციების გათვალისწინებით, საკლასო ოთახებში გაგრძელდება. პანდემიის გამოვლენის შემთხვევაში კვლავ წერტილოვანი შეზღუდვები გაგრძელდება“.
