სომხეთის პარლამენტმა დღეს მეხუთე პრეზიდენტად ვააგნ ხაჩატრიანი აირჩია. მისი კანდიდატურა მმართველმა ფრაქციამ “სამოქალაქო თანხმობამ” წარადგინა.
პრეზიდენტის ასარჩევად საკმარისი იყო 65 ხმა, ხოლო მმართველ ფრაქციას 71 მანდატი აქვს.
სომხეთის მეოთხე პრეზიდენტმა არმენ სარქსიანმა თანამდებობა საკუთარი სურვილით 2022 წლის იანვარში დატოვა, მან მიზეზად პრეზიდენტის შეზღუდული უფლებამოსილება დაასახელა.
ვააგნ ხაჩატრიანი აქამდე მაღალტექნოლოგიების სამინისტროს ხელმძღვანელობდა.
