ძლიერმა ქარმა და სეტყვამ თელავის მუნიციპალიტეტის სოფლები: წინანდალი, ვანთა, ბუშეტი და ქვემო ხოდაშენის ნაწილი დააზარალა.
სეტყვის შედეგად 50%-დან 90%-მდეა განადგურებული ვენახები, ხეხილი, ბოსტნეული და ბაღჩეული კულტურები. ფერმერების თქმით, მათ დიდ ნაწილს მოსავალი დაზღვეული არ ჰქონდა.
ადგილობრივების თქმით, ზარალი იმდენად დიდია, რომ წელს ყურძნის მოსავლის გარეშე დარჩებიან. სოფლებში დილიდან მუშაობს თელავის მერიის მუდმივმოქმედი კომისია და ზარალს ითვლის.
