აშშ-ის ქალაქ ნეშვილში საპრეზიდენტო კანდიდატების, დონალდ ტრამპის და ჯო ბაიდენის ბოლო დებატები გაიმართა. ის დაახლოებით საათნახევარი გაგრძელდა.
დებატების ძირითადი თემები, როგორც მოსალოდნელი იყო, გახდა კორონავირუსის თემა, ეროვნული უსაფრთხოების საკითხები, იმიგრაცია, რასიზმთან ბრძოლა და არჩევნებში უცხო ქვეყნის ჩარევის საკითხები. ამ დებატების ორგანიზატორებს ორივე კანდიდატის მიკროფონის გათიშვის შესაძლებლობა ჰქონდათ, რომ მათ ერთმანეთისთვის საუბარი არ გაეწყვეტინებინათ, როგორც ეს სექტემბერში, პირველი დებატების დროს მოხდა.
ტრამპმა ბაიდენს „კორუმპირებული პოლიტიკოსი უწოდა და ურჩია, რომ თავს უმანკო ბავშვად ნუ ასაღებს.
„სწორედ თქვენს გამო, ობამას და ბაიდენის გამო გადავწყვიტე გავმხდარიყავი პრეზიდენტი. იმიტომ რომ თქვენ ცუდად ასრულებდით თავის მოვალეობას“ – განაცხადა ტრამპმა.
თავის მხრივ ბაიდენმა ტრამპი დაადანაშაულა, რომ ის კიმ ჩენ ინს მეგობარს უწოდებს, მაშინ როდესაც ჩრდილოეთ კორეას აქვს ბევრი რაკეტა, რომლებსაც აშშ-ის ტერიტორიამდე მიღწევა შეუძლია.
