თბილისში, თემქის ახალი ტყე-პარკის მშენებლობის ტენდერში გამარჯვებული კომპანია „საბა კონსტრაქშენი“ გახდა. შესაბამისი გადაწყვეტილება მერიის სატენდერო კომისიამ უკვე მიიღო.
სატენდერო დოკუმენტაცის მიხედვით, პარკის მშენებლობა 35 709 577 ლარი დაჯდება.
ტყე-პარკის პროექტის მიხედვით, ადგილზე უნდა მოეწყოს – ამფითეატრი, საბავშვო მოედანი, კალათბურთისა და ფეხბურთის მოედნები, კაფე, მედიათეკა, საბოსტნე ნაკვეთები, საფეხმავლო ხიდი, ძაღლების სასეირნო ადგილი და ა.შ.
