190-ზე მეტმა ქვეყანამ და ორგანიზაციამ გლაზგოში მიმდინარე კლიმატის სამიტზე პირობა დადო, რომ ქვანახშირის გამოყენებას შეწყვეტს.
ხელმომწერები ვალდებულებას იღებენ, დაასრულონ ქვანახშირის გამოყენებით ელექტროენერგიის წარმოებაში ინვესტიციის განხორციელება როგორც შიდა, ასევე საერთაშორისო დონეზე.
ისინი ასევე შეთანხმდნენ, რომ ქვანახშირის გამოყენებით ელექტროენერგიის წარმოება ეტაპობრივად შეწყდება, კერძოდ, დიდი ეკონომიკის მქონე ქვეყნებში – 2030-იან წლებში, ღარიბ ქვეყნებში კი – 2040-იან წლებში.
ქვანახშირი კლიმატის ცვლილების უდიდესი ხელშემწყობია. მიუხედავად იმისა, რომ მისი მოხმარების შემცირების კუთხით მსოფლიოში პროგრესი მიღწეულია, 2019 წელს მსოფლიოს ელექტროენერგიის დაახლოებით 37%-ი მაინც ქვანახშირისგან აწარმოებდნენ.
