ქალთა მიმართ ან ოჯახში ძალადობის ფაქტზე შემაკავებელ ორდერთან ერთად დაწესდება ელექტრონული ზედამხედველობა, თუ ძალადობის განმეორების რეალური საფრთხე არსებობს. შსს–ს ინფორმაციით, ცვლილებათა პაკეტი პარლამენტმა მესამე მოსმენით მიიღო, ხოლო ძალაში 2020 წლის პირველი სექტემბრიდან შევა. ცვლილებების შედეგად, შეიქმნება დამატებითი ბერკეტები ქალთა მიმართ ძალადობისა და ოჯახში ძალადობის მსხვერპლთა დაცვის ეფექტიანობის ასამაღლებლად. ელექტრონული ზედამხედველობის ქვეშ მყოფ პირს სხეულზე ელექყტრონული სამაჯური დაუმაგრდება. შესაბამისად მოხდება მისი მსხვერპლთან მიახლოების რეალურ დროში კონტროლი.
ამასთანავე, ოჯახში ძალადობის მსხვერპლის ინტერესებიდან გამომდინარე დამცავი ორდერის მოქმედების ვადა 6–დან 9 თვემდე იზრდება. ოჯახის წევრის ჩამონათვალს ემატება წარსულში არარეგისტრირებულ ქორწინებაში მყოფი პირი, მხარდაჭერის მიმღები, მეურვეობასა და მზრუნველობაში მყოფი პირი“, – ამბობს უწყება.
მოძალადის მიერ ელექტრონული ზედამხედველობისათვის თავის არიდება სისხლის სამართლის კოდექსით გათვალისწინებულ პასუხისმგებლობას გამოიწვევს.
მარიანა ქევხიშვილი
