ისრაელის ქნესეთმა (პარლამენტმა) ქვეყნის პრეზიდენტად იცხაკ ჰერცოგი დაამტკიცა.
ჰერცოგს 87-მა დეპუტატმა დაუჭირა მხარი. მას პრეზიდენტად არჩევა ისრაელის პრემიერ-მინისტრმა ბინიამინ ნეთანიაჰუმ მიულოცა. „ვულოცავ იცხაკ ჰერცოგს ისრაელის პრეზიდენტად არჩევას და ისრაელის ყველა მოქალაქის სახელით წარმატებას ვუსურვებ“ – დაწერა ნეთანიაჰუმ ტვიტერში.
ისრაელში პრეზიდენტის არჩევა 7 წლით ხდება. მოქმედი პრეზიდენტის ვადა 2021 წლის 9 ივლისს იწურება. ამის შემდეგ არჩეული პრეზიდენტის ინაუგურაცია გაიმართება.
