ყაჩაღობა მოხდა სამეგრელოში. ზუგდიდში პენსიონერ ქალს შეიარაღებული პირები თავს დაესხნენ. ის ჯერ წებოვან ლენტში გაახვიეს, შემდეგ კი თოკით გამათბობელზე მიაბეს და თითი მოაჭრეს.
ყაჩაღობა ზუგდიდში კომენდანტის საათის დროს მოხდა. გავრცელებული ინფორმაციით, ისინი ითხოვდნენ ფულსა და ძვირფასეულობას.
ადგილობრივთა განცხადებით ქალი იყო უკიდურესად ნაცემი, მას უჭირდა მეტყველება.
დაშავებული გადაყვანილია ზუგდიდის რეფერალურ საავადმყოფოში, მედიკოსების განმარტებით მისი ჯანმრთელობის მდგომარეობა მძიმეა.
