საქართველოს პარლამენტის თავმჯდომარე, შალვა პაპუაშვილი, ლონდონში ვიზიტის ფარგლებში, გაერთიანებული სამეფოს პრემიერ-მინისტრის მრჩეველს საერთაშორისო საკითხებში, დევიდ ქუერის შეხვდა.
შალვა პაპუაშვილის თქმით, შეხვედრაზე მათ განიხილეს უკრაინაში მიმდინარე მოვლენები და მისი გავლენა საქართველოს უსაფრთხოებაზე. გააცნეს ხედვა იმის შესახებ, თუ რა რისკებთან არის დაკავშირებული უკრაინის ირგვლივ მიმდინარე ვითარება საქართველოს კუთხით. მისი განცხადებით, კოლეგებისგან კიდევ ერთხელ მიიღეს დასტური, რომ საქართველო რჩება დიდი ბრიტანეთის, როგორც ნატოს წევრი ქვეყნის ყურადღების ქვეშ და რომ მათ სრულად ესმით უსაფრთხოების ის რისკები, რომლებიც არსებობს ჩვენს ქვეყანაში და მის გარშემო.
საქართველოს საპარლამენტო დელეგაციის შემადგენლობაში დეპუტატები: ნიკოლოზ სამხარაძე, ნინო წილოსანი, გიორგი ხელაშვილი და თეონა აქუბარდია, ასევე, პარლამენტის თავმჯდომარის კაბინეტის უფროსი, ლევან მახაშვილი შედიან.
