საკოორდინაციო საბჭოს სხდომის დასრულების შემდეგ ირაკლი ღარიბაშვილმა განაცხადა, რომ
25 თებერვლიდან სამთო-სათხილამურო კურორტებზე სასტუმროები დაიწყებენ მუშაობას რეგულაციების სრული დაცვით და ასევე, ამოქმედდება საქალაქთაშორისო ტრანსპორტიც;
პირველი მარტიდან მუშაობას განაახლებენ როგორც საჯარო, ასევე, კერძო საბავშვო ბაღები;
რესტორნები შიდა სივრცეებში ფუნქციონირებას განაახლებენ შაბათ-კვირის გარდა ბათუმში 1 მარტიდან, ხოლო დანარჩენ საქართველოში 8 მარტიდან.
სავაჭრო მოლები დ ბაზრობები, შაბათ-კვირის ჩათვლით, მუშაობას განაახლებენ 8 მარტიდან;
სასწავლო პროცესის უმაღლესი სასწავლებლების აუდიტორიებში აღდგენა მოხდება 15 მარტიდან. ასევე, 15 მარტიდან სპორტული დარბაზები განაახლებენ მუშაობას.
კომენდანტის საათი ქვეყანაში ძალაში რჩება.
