ISFED-ის ყოფილი დირექტორის ელენე ნიჟარაძის განცხადებით, ორგანიზაციის საქმიანობაში ოპოზიციის მხრიდან ჩარევას გამორიცხავს და შეცდომა, რომელიც შედეგების დათვლისას დაფიქსირდა ადამიანური იყო.
„არანაირი ოპოზიციის ჩარევა არ ყოფილა. მესმის, რომ მმართველ პარტიას ძალიან აწყობს ასეთი სპეკულაცია, რომელსაც ორგანიზაციის დისკრედიტაციის მიზანი აქვს და რასაც წლებია აკეთებენ. გამოვრიცხავ ჩვენს საქმიანობაში ჩარევას“, – აღნიშნა ელენე ნიჟარაძემ.
მისი თქმით, წარმოუდგენელია, რომ ამ საკითხზე გამოძიების დაწყებას სამართლებრივი საფუძველი ჰქონდეს.
როგორც მან აღნიშნა, აღმასრულებელი დირექტორის თანამდებობა ორგანიზაციის რეპუტაციის დასაცავად დატოვა.
