გადათვლის პროცესი 24 500-მდე ამომრჩევლის ხმას შეეხო – ინფორმაციას ცენტრალური საარჩევნო კომისია ავრცელებს. საარჩევნო ადმინისტრაციის ცნობით, ამ პროცესის შემდეგ უბნის უმრავლესობაში პირვანდელი შედეგები უცვლელი დარჩა. თამარ ჟვანიას უწყებაში განმარტავენ, რომ სულ შევიდა 1 941 საჩივარი, აქედან 1 272 საარჩევნო სუბიექტებმა წარადგინეს.
,,სულ საოლქო საარჩევნო კომისიებმა მოცემული მდგომარეობით გადაითვალეს 39 უბნის შედეგი. უმეტესი უბნის შემთხვევაში შედეგები დარჩა უცვლელი, ზოგიერთი კი დაზუსტდა და შეიცვალა საარჩევნო კომისიების გადაწყვეტილებით” – აცხადებს საქართველოს ცენტრალური საარჩევნო კომისიის იურისტი გიორგი სანტურიანი.
