ქობულეთში „საქართველოს ბანკთან“ ძარცვა განხორციელდა.
გაძარცვეს ინკასაციის მანქანა. დაუზუსტებელი ინფორმაციით, წაღებულია 75 000 დოლარი. მანქანა ეკუთვნის კომპანია DDG-ს.
ინკასატორის ძარცვა მაშინ მოხდა, როდესაც აპარატიდან თანხას იღებდა. მოქალაქეები ამბობენ, რომ მძარცველი ერთი ადამიანი იყო. ეჭვმიტანილმა ინკასატორს თანხა წაართვა და ადგილიდან მიიმალა.
როგორც საქართველოს შინაგან საქმეთა სამინისტროში განაცხადეს, გამოძიება “სისხლის სამართლის კოდექსის” 178 -ე მუხლით დაიწყო, რაც ძარცვას გულისხმობს.
