საქართველოს ერთ წელიწადში იმპორტირებული ხორბალი 47,3%-ით გაუძვირდა.
თუ 2020 წლის ოქტომბერში ქვეყანამ ერთი ტონა ხორბალი საშუალოდ $205 იყიდა, წელს ოქტომბერში ტონა პროდუქტის შესყიდვა საქართველოს საშუალოდ $302 დაუჯდა.
სტატისტიკის ეროვნული სამსახურის მონაცემებით, 2021 წლის ოქტომბერში საქართველოში იმპორტირებული იქნა 35 790 ტონა ხორბალი, ჯამში $10.802 მლნ-ის ღირებულების. წინა წლის ანალოგიურ პერიოდში კი ქვეყანამ 38 972 ტონა ხორბალი $7.967 მლნ-ად შეიძინა.
რაც შეეხება კონკრეტულად იმპორტიორ ქვეყნებს, 2021 წლის ოქტომბერში საქართველომ ხორბალი 6 ქვეყანაში იყიდა, საიდანაც 99% რუსეთზე მოდის, გასულ თვეს ჩრდილოეთიდან 35 520 ტონა ხორბალი შემოვიდა.
