ელენე ხოშტარია „ევროპულ საქართველოს“ ტოვებს და დამოუკიდებელ პოლიტიკურ ცხოვრებას იწყებს – ,,ამ ეტაპზე მე მივიღე გადაწყვეტილება, რომ დავიწყო დამოუკიდებელი პოლიტიკური ცხოვრება“.
მან აღნიშნა, რომ არცერთ სხვა პოლიტიკურ პარტიას არ უერთდება.
„ძალიან მყარად ვრჩები ოპოზიციურ ერთობაში, რომელიც უძლიერესი იარაღია დღევანდელ რეჟიმთან ბრძოლის პროცესში“, – აცხადებს იგი. მანვე დასძინა, რომ პარლამენტში შესვლას არ განიხილავს.
„ჩემი პოლიტიკური პოზიციები აბსოლუტურად იგივე რჩება. უბრალოდ მე მაქვს ახალი გეგმები, პოლიტიკურ ცხოვრებაში – ახალი პლატფორმის, ახალი პოლიტიკური ძალის შექმნა“, – განაცხადა ელენე ხოშტარიამ.
