აშშ-ის პრეზიდენტი ჯო ბაიდენი აცხადებს, რომ ამ მომენტისთვის დარწმუნებულია, რომ რუსეთის პრეზიდენტმა ვლადიმერ პუტინმა უკრაინაში შეჭრა გადაწყვიტა. ბაიდენი აღნიშნავს, რომ რუსეთის უკრაინაში შეჭრის შემთხვევაში, სამიზნე კიევი იქნება.
ბაიდენმა პრესკონფერენციაზე განაცხადა, რომ რუსეთი ამის განხორციელებას მოდევნო დღეებში აპირებს. ჟურნალისტის კითხვაზე, მიანიშნებდა თუ არა ეს დიპლომატიის დასასრულზე, აშშ-ის პრეზიდენტმა აღნიშნა, რომ ეს ასე არ არის და „დიპლომატია ყოველთვის არის შესაძლებელი“.
