ბრიტანული დაზვერვის შეფასებით, მარიუპოლში „აზოვსტალის“ 1 700-მდე დამცველი ჩაბარდა რუსულ ჯარებს.
„1 700-მდე უკრაინელი ჯარისკაცი სავარაუდოდ ჩაბარდა მარიუპოლის „აზოვსტალის“ ფოლადის ქარხნიდან. ქარხანაში უკრაინული ძალების უცნობი რაოდენობა რჩება. მას შემდეგ, რაც რუსეთი მარიუპოლს დაიკავებს, სავარაუდოა, რომ ისინი გადაიყვანენ თავიანთ ძალებს დონბასში ოპერაციების გასაძლიერებლად“, – ნათქვამია განცხადებაში.
აღსანიშნავია, რომ დაჭრილი ჯარისკაცების გადარჩენის ოპერაცია 16 მაისიდან მიმდინარეობს. შეთანხმებების ფარგლებში მარიუპოლის დამცველები სამედიცინო დახმარების გაწევით ოკუპირებულ ტერიტორიებზე გადაჰყავთ. სამომავლოდ იგეგმება მათი გათავისუფლება პატიმრების გაცვლის ფარგლებში.
