8 500-მდე ამერიკელი ჯარისკაცი გაძლიერებულ მზადყოფნაშია მოყვანილი აღმოსავლეთ ევროპაში შესაძლო განლაგების გამო, რადგან რუსული ჯარები უკრაინის საზღვართან მობილიზდა“, – ამის შესახებ პენტაგონის სპიკერმა ჯონ კირბიმ განაცხადა.
აშშ-ს თავდაცვის მდივანმა, ლოიდ ოსტინმა შესაბამისი მზადყოფნა პრეზიდენტის მითითებით გასცა. ეს უახლესი ნაბიჯია, რომელიც ამერიკამ გადადგა უკრაინაში რუსეთის პოტენცური შეჭრისთვის მოსამზადებლად.
ჯარების განლაგების შესახებ საბოლოო გადაწყვეტილება ჯერ მიღებული არაა.
„შეერთებულმა შტატებმა გადადგა ნაბიჯები თავისი ძალების მზადყოფნის გასაძლიერებლად სახლში და მის ფარგლებს გარეთ, ამიტომ ისინი მზად არიან უპასუხონ მთელ რიგ გაუთვალისწინებელ სიტუაციებს“, – აღნიშნა კირბიმ.
პენტაგონის პრესსპიკერი აცხადებს, რომ ნებისმიერი საგანგებო სიტუაციისთვის მზად იქნებიან.
