Euronews-მა საქართველოზე სიუჟეტი მოამზადა, რომლის სახელწოდებაა “მეგობრული გარემო, კარგი Wi-Fi და უსაფრთხო გარემოცვა – რატომ მიდიან „ციფრული მოგზაურები“ საქართველოში“. „საქართველო ბოლო წლებში ძალზე პოპულარული გახდა, როგორც ტურისტული მიმართულება, ახლა კი იქ დისტანციურად სამუშაოდ ათასობით უცხოელი გეგმავს ჩასვლას. ცხოვრება იქ ბევრად იაფია, ვიდრე სხვა ქვეყნებში, ინტერნეტი კარგი, ხოლო უსაფრთხოება უკეთესი, ვიდრე მსოფლიოს ქვეყნების უმეტესობაში” – იუწყება Euronews.
პროგრამაში მონაწილეობის განაცხადი 2 300 ადამიანმა შეავსო, ხოლო საქართველოში 800 პირი უკვე ჩამოვიდა.
Euronews-ს კონკრეტული მაგალითებიც მოჰყავს. საქართველოში დისტანციურად სამუშაოდ ძირითადად პროგრამისტები და კომპიუტერული ტექნოლოგიების სპეციალისტები ჩადიან. მათი შეფასებები, ძირითადად, დადებითია. ერთადერთი პრობლემა, რაზეც საქართველოში ჩასული „ციფრული მოგზაურები“ საუბრობენ, არის ის რომ სახლი და ოჯახი ენატრებათ.
