საბჭოს სხდომა, რომელიც თბილისში იმართება, საქართველოს პრემიერ-მინისტრმა გიორგი გახარიამ და UNWTO-ს გენმდივანმა ზურაბ პოლოლიკაშვილმა გახსნეს.
„პოსტკრიზისულ ეპოქაში ერთ-ერთი მნიშვნელოვანი მოვლენა მსოფლიოსთვის სწორედ ტურიზმის აღდგენის ტენდენციები იქნება. ჩვენი სურვილია, ამ პროცესში ვიყოთ პიონერები, რის საფუძველსაც გვაძლევს ტურისტულ სექტორში უსაფრთხოების კუთხით დაგროვილი გამოცდილება.
ჩვენ ვფიქრობთ, რომ აღნიშნულ სექტორში საქართველოს პოსტკრიზისული ეპოქა უნდა იყოს შესაძლებლობა და გვინდა, ეკონომიკური კრიზისი, პანდემია ვაქციოთ შესაძლებლობად“, – განაცხადა გიორგი გახარიამ.
,,მივესალმები საქართველოს მთავრობის ყველა იმ ღონისძიებას, რომელიც განხორციელდა. ტურიზმი არის ძალა მთელ მსოფლიოში, რომელიც გვაძლევს საშუალებას, ახალი კულტურები, ახალი ადამიანები, ახალი ადგილები აღმოვაჩინოთ“, – განაცხადა გაეროს გენერალურმა მდივანმა ანტონიო გუტიერეშმა თბილისში მიმდინარე სხდომის გახსნაზე ვიდეო-ჩართვისას.
